Alle innlegg av lucinda

20.000 i støtte til Fjordhest-NM på Mo

Kremlikørprodusenten Fjording donerer kvart år 1 dollar for kvar selde 0,5-litersflaske til fjordhestvenlege initiativ. Ideen er å gi eit klapp på skuldra til lag, organisasjonar og personar som bidreg positivt til å ta vare på den trua nasjonalskatten.

Kunngjeringa av kven som får midlane for 2019-salet vil fyrst skje på vårparten.

Men eitt unntak er gjort. Gründer Øyvind Løkling i Fjording kan fortelje at arrangøren av Fjordhest-NM på Mo Jordbruksskule i Førde 13.-18. juli 2020 vil få kr. 10.000 i arrangementstøtte. I tillegg bidreg Fjording med kr. 10.000 i premiepengar til utøvarane.

Eg veit at å arrangere Norgesmeisterskap krev mykje planlegging. Vi gjorde dette unntaket no slik at NM-arrangøren kunne få litt ekstra tid til å tenke ut kva midlane kan brukast til. NM i Fjordhest er eit årleg høgdepunkt for mange i fjordhestmiljøet. Hest og ryttar blir testa i greinene sprang, dressur og køyring.

Fjording ser på dette arrangementet som eit fantastisk utstillingsvindauge for fjordhesten. Her får ein prov på dei mange flotte brukseigenskapane, og ikkje minst gleda knytt til å halde på med denne rasen. Og det vil vi sjølvsagt støtte.

Kva totalpotten blir for årets omsetning er ikkje endeleg klart. Jul og nyttår er ein av høgsesongane for kremlikør, så vi får vente å sjå. Men ein stad rundt kr. 125.000,- er det all grunn til å håpe på. I så fall blir det nesten ei tredobling frå i fjor, seier Løkling.

Fakta om Fjording AS: – Står bak kremlikøren Fjording Hazelnut Caramel – Produserast hjå Gardsbrenneriet på Sandane i Nordfjord – Vart lansert på Vinmonopolet sommaren 2018, og er no i hyllene på ca. 180 Vinmonopol landet rundt – Vann dobbel gullmedalje i San Francisco World Spirits Competition 2019, og pris for «Best Alcohol Drink» under World Beverage Innovation Awards 2019

www.fjording.com